Nova kriza izbila je u kineskom gradu Vuhanu, iz kog je potekla pandemija koronavirusa. 

Usljed rekordnih kiša i poplava u Kini, ugroženi su milioni ljudi u tom gradu koji se nalazi na rijeci Jangcekjang, a podignut je nivo zaštite od poplava na drugi stepen, samo jedan od najopasnijeg. Veoma jaka kiša pada već dva dana u Vuhanu i okolini, a u nekim djelovima palo je čak 250 milimetara kiše za 24 sata, odnosno 250 litara po kvadratnom metru, objavila je Sinhua. Poređenja radi, prosječna godišnja količina padavina u Srbiji je 896 milimetara.

Na mnogim mjestima rijeke su prešle nivo odbrane od poplava, a u Vuhanu se bore da grad ne bude poplavljen. Očekuje se nastavak padavina ne samo u Vuhanu, već i u mnogim drugim gradovima Kine kojima prijeti opasnost od poplava, a ugroženi su milioni ljudi. Najrizičnije je u provinciji Hubei, čiji je Vuhan glavni grad, koja je nedavno bila najteže pogođena koronavirusom.

Kako smatraju u Svjetskoj zdravstvenoj organizaciji, pandemija je upravo krenula iz ovog grada, u kome je bilo gotovo 3.900 preminulih.