Ispred biračkog mjesta u Podgorici danas je došlo do ranjavanja nožem jednog muškarca, saopćila je tamošnja policija. 

Zbog sumnje da je pastorka D.I. (64) ranio nožem uhapšen je S.B. (84).

- Danas je ispred biračkog mjesta broj 17 u ulici Novaka Miloševa u Podgorici došlo do verbalnog sukoba između dva lica, nakon čega je došlo do upotrebe noža na štetu jednog lica. Ovaj događaj nije povezan sa izbornim procesom, već je riječ o ranijem sukobu između članova porodice - kazali su u Policiji.

Policija je, javlja CdM, na licu mjesta uhapsila S.B. koji je nakon verbalnog sukoba, upotrebom noža nanio povredu svom pastorku D.I, a koji je član biračkog odbora.

- Sa lica mjesta je izuzet nož. Oštećeni je prevezen na ukazivanje ljekarske pomoći u medicinsku ustanovu. U toku su dalje policijsko – tužilačke mjere i radnje - zaključili su u policiji.