Keri Gold (Kerry, 53) je fitnes instruktorica i živi dokaz, kako je rekla, da život tek počinje u pedesetim. Ona se u petoj deceniji počela baviti fitnesom, tačnije vježbama na šipki, a njene snimci njenih akrobacija imaju milionske preglede na društvenim mrežama, piše britanski San.
Kako je priznala, čim ugleda šipku, ona odmah skoči na nju kako bi pokazala svoje akrobacije i šta sve umije. Njeno izvođenje pojedinih vježbi liči na zahtjevne performanse koji se mogu vidjeti u najluksuznijim striptiz klubovima, budući da je u pitanju ples uz šipku.
Keri navodi da joj je za pojedine vježbe trebalo i punih pet godina kako bi ih savladala, ali sada je u toj disciplini među najboljima. Ova dama je tako šetajući plažom naišla na šipku za koju je procijenila da na njoj može da izvede nekoliko vježbi. Kupači koji su se zatekli na plaži bez daha su gledali njen performans.
Njen snimak potaknuo je veliki broj komentara.
- „Ovo je nevjerovatno! Motivisali ste me da počnem da vježbam i sa 50“, „Imam 52 i tek sada vidim da nije prekasno ni za mene“, „Tijelo ove žene i njeno izvođenje vježbi je nevjerovatno“ - samo su neki od komentara.
