Fudbaleri Milana slavili su na gostovanju protiv ekipe Pize rezultatom 1:2.

Iako ima već 40 godina, ključni faktor u pobjedi Milana bio je fenomenalni Luka Modrić, koji je zabio pobjedonosni gol u 85. minuti.

Milan je loše izgledao većim dijelom meča, no ipak su došli do prednosti u 39. minuti.

Atakame je centrirao, a sjajno je to ispratio Ruben Loftus Čik i zabio za vodstvo Rosonera.

S tim rezultatom se otišlo na pauzu, a u nastavku Piza dolazi do izjednačenja preko Felipea Lojole, da bi Luka Modrić, nakon duplog pasa sa Ričijem, postavio konačan rezultat.

Milan je nakon 24 odigrana meča na drugoj poziciji, s pet bodova zaostatka za gradskim rivalom Interom, dok je Piza na dnu tabele sa svega 15 bodova, šest manje od Lećea koji je u sigurnoj zoni.