Četiri utakmice 26. kola Bundeslige donijele su mnogo uzbuđenja, a najviše pažnje privukao je remi Bajer Leverkuzena i Bajerna rezultatom 1:1.
Derbi u Leverkuzenu otvorio je Aleš Garsija golom već u šestoj minuti, a kasnije je domaćinu poništen i pogodak Džonatana Taha zbog igranja rukom.
Bajern je pred kraj prvog poluvremena ostao s igračem manje nakon grubog starta Nikolasa Džeksona, a ni u nastavku nije manjkalo haosa, jer je Hari Kejnu poništen gol zbog igranja rukom, prije nego što je Luis Dijaz u 69. minuti ipak donio izjednačenje.
Isti fudbaler je u 84. minuti dobio i drugi žuti karton, pa su Bavarci završili susret sa samo devetoricom na terenu.
Bajer Leverkuzen je u nadoknadi pogodio preko Jonasa Hofmana, ali je i taj gol poništen nakon VAR provjere zbog ofsajda, pa je Bajern sačuvao bod i ostao prvi na tabeli sa 67 bodova, dok je Bajer Leverkuzen šesti sa 45.
