Jaka i obilna kiša poplavila je objekte u barskom naselju Bjeliši u blizini pruge. Služba zaštite i spašavanja je na terenu. 

Pripadnici ove Službe spašavali su dvoje djece, njihovog djeda i baku iz porodične kuće u Bjelišima. Voda je poplavila porodičnu kuću R.Ć. Nivo vode u prizemnom dijelu ovog objekta je oko metar. Vatrogasci su uspjeli iznijeti djecu kod komšija.

Kompletna porodica čija je kuća poplavila je smještena na bezbjedno i sigurno mjesto kod komšija. Nivo vode na ulicama je jako visok pa je na određenim dionicama otežan saobraćaj.

Na magistralnom putu Bar - Sutomore teče bujica, a ima i odrona.