Građani Crne Gore danas biraju predsjednika države, a uprkos dubokoj podijeljenosti u društvu izborni dan u Podgorici protiče mirno. Dobar dio građana nezadovoljan je trenutnim stanjem, posebno ekonomskom situacijom. Slobodanka Lukić je penzionerka čija penzija se u zadnjih osam godina povećala za samo desetak eura, ali kaže da u poznim godinama ne očekuje za sebe, već za mlađe generacije.

- Nadam se promjenama, da ovaj jadan narod ne traži po euro, dva na ulici da kupi hljeba. Ekonomska situacija loša, penzije nikakve, kriminal. Da ovo više krene naprijed. Nije mi zbog mene već zbog unučadi, da barem oni žive u boljoj i pravednijoj državi - kaže Lukić.